មកស្គាល់រោងចក្រច្នៃស្វាយស្រស់ ៣ កន្លែងដែលកំពុងលាក់ខ្លួនសម្ងំនាំចេញដំណាប់ស្វាយខ្ទង់ពាន់តោន/ឆ្នាំ

 

ខណៈពេលដែលស្វាយរបស់ប្រជាកសិករកំពុងតែមានជួបវិបត្ដិលក់បានតម្លៃទាប និងកំពុងខ្វះទីផ្សារ វត្ដមានរបស់រោងចក្រកែច្នៃស្វាយស្រស់ទាំងបីនេះ សង្ឃឹមថាស្វាយរបស់ប្រជាកសិករខ្មែរនិងមានទីផ្សារលក់ចេញបានតម្លៃខ្ពស់។ មួយវិញទៀតវាជាឳកាសដ៏ល្អមួយដែលធ្វើឲ្យអន្ដរបានស្គាល់និងទទួលស្គាល់គុណភាពស្វាយខ្មែរ។

យោងតាមការចុះផ្សាយរបស់គេហទំព័រ ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថាបច្ចុប្បន្នមានក្រុមហ៊ុន ៣ បានមកវិនិយោគកសាងរោងចក្រផលិតដំណាប់ស្វាយនៅកម្ពុជារួមមាន៖

១.ក្រុមហ៊ុន គ្រីន លិនឌ័រ (Green Leader)

ក្រុមហ៊ុន គ្រីន លិនឌ័រ (Green Leader) ស្ថិតនៅភូមិពងទឹក ឃុំដំណាក់អំពិល ស្រុកអង្គស្នូល ខេត្តកណ្តាល។ រោងចក្រនេះលាតសន្ធឹងលើផ្ទៃដីជិត ១០ ០០០ ម៉ែត្រក្រឡា ដែលមានសមត្ថភាពផលិតដំណាប់ស្វាយចំនិតចំនួន ២ ០០០ តោន ក្នុងមួយឆ្នាំ។

បច្ចុប្បន្ន ក្រុមហ៊ុន បានធ្វើកិច្ចសន្យាជាមួយកសិករដាំស្វាយ ដើម្បីប្រមូលទិញផ្លែស្វាយស្រស់លេខ២ ដើម្បីផ្គត់ផ្គង់រោងចក្រកែច្នៃទៅជាដំណាប់ស្វាយចំណិតស្ងួត និងបាននាំចេញបានប្រមាណជាជាង ៥០០ តោន ទៅទីផ្សារប្រទេសចិន។

២.រោងចក្រទី ២ របស់ក្រុមហ៊ុន គ្រីន លិនឌ័រ (Green Leader)

រោងចក្រទី ២ របស់ក្រុមហ៊ុនGreen Leader បាននិងកំពុងដំណើរការផងដែរ មានទីតាំងស្ថិតនៅ ភូមិដំបងវិញ ឃុំត្រពាំជោរ ស្រុកឧរាល់ ខេត្តកំពង់ស្ពឺ មានផ្ទៃដីជិត ១៥ ០០០ ម៉ែត្រក្រឡា ដែលមានសមត្ថភាពផលិតដំណាប់ស្វាយចំនួន ២ ០០០ តោន ក្នុងមួយឆ្នាំ។ ទន្ទឹមនឹងនេះ សម្រាប់រយៈពេលខ្លី ក្រុមហ៊ុន នឹងបន្តស្វែងរកទីតាំងដែលមានសក្តានុពលដំណាំ ស្វាយ ដើម្បីសាងសង់រោងចក្របន្ថែមក្នុងគោលបំណងផលិតដំណាប់ស្វាយចំណិតស្ងួតឲ្យបានប្រមាណ ជាជាង ១០ ០០០ តោន ក្នុងមួយឆ្នាំ សម្រាប់នាំទៅទីផ្សារប្រទេសចិន។ ក្រុមហ៊ុន គ្រោងនឹងសាងសង់រោងចក្រទី៣ នៅស្រុកតំបែរ ខេត្តត្បូងឃ្មុំនាឆ្នាំ ២០២០ ដែលមានសមត្ថភាពផលិត ៥ ០០០ តោន ក្នុងមួយឆ្នាំ។ 

សម្រាប់រយៈពេលវែង ក្រុមហ៊ុនមានផែនការបង្កើតរោងចក្រកែច្នៃបន្ថែមតម្លៃ ( value added ) សម្រាប់ផលិតផលផ្លែស្វាយ ដូចជា ភេសជ្ជៈទឹកស្វាយ( mango juice )និងស្វាយសុទ្ធ ( mango puree ) ដើម្បីបំពេញតម្រូវការឧស្សាហកម្មដុតនំ( baking industry ) របស់ប្រទេសចិន។ 

៣. ក្រុមហ៊ុន Cam M J Agricultural Park Co., Ltd

នៅដើមឆ្នាំ២០១៩ ក្រុមហ៊ុនបានទទួលគោលការណ៍វិនិយោគពី CDC ដើម្បីកសាង " Cam M J Agricultural Park Special Economic Zone" លាតសន្ធឹងលើផ្ទៃដីជាង ៩៩ហិកតា។ រោងចក្រនេះស្ថិតនៅភូមិតានៃ ឃុំជើងគោ ស្រុកព្រៃនប់ ខេត្តព្រះសីហនុ ដែលត្រូវចំណាយថវិកាប្រមាណ ១៥០ លានដុល្លារ មានរយ:ពេល ០៥ ឆ្នាំ(២០២០-២០២៥)។ 

គួរជម្រាបដែលថា ក្នុងផ្លែស្វាយស្រស់ ៧ តោន អាចផលិតដំណាប់ស្វាយចំណិតបានចំនួន ១ តោន៕

Image may contain: 5 people, people sitting
Image may contain: 7 people, people smiling, people standing
Image may contain: 7 people

 

អត្

Image may contain: one or more people, people standing and food

 

Image may contain: food

អត្ថបទដោយ៖ សារ ធូរ៉ា

 

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

Online

RELATED ARTICLES