កំលោះម្ចាស់ហាងនំបញ្ចុកដុះផ្សិតល្បីឆ្ងាញ់ រយ:ពេលតែ៣ឆ្នាំពង្រីកខ្លួនជាង៤សាខាលក់ដាច់ជាខ្លាំង!

នំបញ្ចុកជាអាហារមួយម៉្យាងដែលប្រជាជនខ្មែរ និយមចូលចិត្តញុំា ជាពិសេសនៅរដូវបុណ្យឬក៏ការជួបជុំក្រុមគ្រួសារបងប្អូន ភាគច្រើនចូលចិត្តធ្វើញុំាជួបគ្នា ហើយចំពោះរបរនំបញ្ចុកនេះវិញក៏មានអ្នកប្រកបរកស៊ីច្រើនដែរ មិនរកស៊ីជាលក្លណ:គ្រួសារឬផ្ទាល់ខ្លួននោះទេ។ តែបើយើងក្រឡែកមកមើល ហាងនំបញ្ចុកដុះផ្សិតនេះ ទាំងល្បីឈ្មោះ ទាំងឆ្ងាញ់ហើយអ្នកគាំទ្រចូលចិត្តទៅញុំាលក្លណ:មិត្តភក្តិ ក្រុមគ្រួសារយ៉ាងច្រើនទៀតផង ។

បើតាមមា្ចស់ហាងវ័យក្មេង២៨ឆ្នាំរូបបានរៀបរាប់ប្រាប់Business Cambodia អំពីដំណើរការអាជីវកកម្មរបស់ខ្ញុំ គឺមុនដំបូងនៃការចាប់ផ្តើមបើកហាងនំបញ្ចុកដុះផ្សិតនេះគឺខ្ញុំបានប្រឡូកទៅលើអាជីវកកម្មសាឡនតាំងពីខ្លួនអាយុ១៩ឆ្នាំមកម្លេះ។ដោយការតែឆ្លងកាត់ជួបនូវបញ្ហាការធ្វើអាជីវកម្មជាច្រើនពីមុនមកហើយ អាជីវកម្មទី៣គឺហាងនំបញ្ចុកដុះផ្សិត នេះគឺលោកមានគោលដៅច្បាស់លាស់ មានចក្ខុវិស័យវែងឆ្ងាយ មានភាពជឿជាក់ហើយច្បាស់លាស់ទៅលើអាជីវកកម្មនេះ លោកក៏សម្រេចចិត្តយកមុខម្ហូបប្រចាំគ្រួសារទៅបើករហូតទទួលបានយ៉ាងច្រើនពីសំណាក់អតិថិជន។

បន្តទៅនេះមា្ចស់ហាង លោក ព្រុំ តៃហេង ចំពោះហាងនំបញ្ចុកដុះផ្សិតជារៀងរាស់ឆ្នាំគឺតែងតែ​មាន មានគំនិតច្នៃប្រឌិតបន្ថែមនូវមុខម្ហូបជាច្រើន ពីព្រោះរូបលោក​ចូលចិត្តធ្វើអ្វីឬដាក់អីប្លែកៗថ្មីៗ។ហើយជាក់ស្តែង រសជាតិគឺមានសម្លរច្រើនមុខសម្រាប់ឲ្យអតិថិជនងាយស្រួយក្នុងការជ្រើសរើសញុំាទៀតផង។ភាគច្រើនក៏មានមនុស្សមួយចំនួនតែងតែច្រឡំថាជានំបញ្ចុករបស់វៀតណាម ប៉ុន្តែលោកសបញ្ចាក់ថាវាមិនមែនទេ គឺគ្រាន់តែស្រដៀវគ្នា រសជាតិ​ ក្លិនប៉ុណ្ណោះ។

ម្ចាស់ហាងវ័យក្មេងនេះ បន្តថារយ:ពេល៣ឆ្នាំហើយនៃការចាប់ផ្តើមអាជីវកម្មដែលពង្រីកហាងនំបញ្ចុកដុះផ្សិតនេះបានសាខាចំនួន៤សាខា ទាំងនៅក្នុងនោះភ្នំពេញ ៣ សាខាហើយមានសៀមរាបមួយសាខា។ ក្រៅពីហាងនំបញ្ចុកដុះផ្សិតសហគ្រិនវ័យក្មេងនេះក៏នៅមានហាង Black Salon ហើយក៏មានការគាំទ្រខ្លាំងផងដែរ៕

អត្ថបទ៖Sreang Chandy Franchises Writer

 

 

 

 

 

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES