Business Cambodia

បច្ចេកវិទ្យា

App ៣ គ្រប់គ្រងចំណូលចំណាយប្រចាំថ្ងៃរបស់អ្នក ការពារចាយលុយលើសខ្ទង់ចុងខែ

Sakada Khon October 09,2019 2.3 K

លុយសំខាន់នៅក្នុងការរស់នៅ ហើយបើមិនចេះគ្រប់គ្រងតាមដានលុយឱ្យច្បាស់ទេ ប្រាកដជាត្រូវឈឺក្បាលដោយសារលុយជាក់ជាមិនខាន។ ប៉ុន្តែអរគុណដល់បច្ចេកវិទ្យា ការគ្រប់គ្រង តាមដាន រៀបចំគម្រោងសម្រាប់លុយ មានសភាពងាយស្រួលជាងមុនឆ្ងាយណាស់។

ហេតុដូច្នេះក្នុងអត្ថបទនេះ Business Cambodia សូមណែរនាំ App ៣ជួយគ្រប់គ្រងចំណូលចំណាយអ្នកទាំងអស់គ្នាឱ្យច្បាស់ជាងមុន ដើម្បីចៀសវាងការចាយលុយលើសខ្ទង់។

១. Money Lover

ចំណុចពិសេសដ៏ល្អមួយរបស់ App មួយនេះគឺ អាចប្រើប្រាស់បានគ្រប់ទូរស័ព្ទកុំព្យូទ័រទាំងអស់ មិនថា iOSAndroid នោះទេ ឬបើកលើកុំព្យូទ័រនោះទេ។

App នេះស្រួលប្រើណាស់ ដោយយើងអាចកត់លុយចូលភ្លាមៗពេលចាយបាន ដោយមិនបាច់បំពេញពត៌មានរញ៉េរញ៉ៃច្រើន ពោលនៅលើ App មានមុខងារស្រាប់ៗឱ្យយើងជ្រើសតែម្ដង។

Apple Appstore: https://itunes.apple.com/app/apple-store/id486312413

Google Playstore: https://play.google.com/store/apps/details?id=com.bookmark.money

២. Mint

មិនសូវជាខុសពី App Money Lover នោះទេ Mint ជា App គ្រប់គ្រងហិរញ្ញវត្ថុមួយស្រួលប្រើ ដោយមានផ្ទាំងប្រើប្រាស់ងាយយល់។

App នេះមានមុខងារជួយរំឮកយើងឱ្យបង់វិក្ក័យបត្រផ្សេងៗចៀសវាងភ្លេច ខកថ្ងៃ ទទួលការពិន័យជាដើម ហើយរៀបចំរបាយការណ៍ចំណូលចំណាយរបស់អ្នកជាក្រាប ស្រួលយល់ ស្រួលមើល។

Mint មានទាំងនៅលើ Appstore និង Google Playstore។

Apple Appstore: https://apps.apple.com/us/app/mint-personal-finance/id300238550

Google Playstore: https://play.google.com/store/apps/details?id=com.mint

៣. គ្រួសារខ្ញុំ-My Family

គ្រួសារខ្ញុំ-My Family ជាកម្មវិធីទូរស័ព្ទដៃមួយដែលបង្កើតឡើងដោយកូនខ្មែរ ទើបតែបញ្ចេញជាផ្លូវការក្នុងឆ្នាំនេះ ។ កម្មវិធីទូរស័ព្ទមួយនេះ នឹងជួយឲ្យអ្នកគ្រប់គ្រងចំណូល ចំណាយ ធ្វើរបាយការណ៍ផ្សេង ក៏ដូចជាធ្វើគម្រោងចំណាយផងដែរ ។

រាល់ការធ្វើបញ្ជីចំណាយ ចំណូលមួយក្នុង App នេះ វានឹងរៀបរាប់ប្រាប់អ្នកពីប្រភេទចំណាយ ចំណូលសំខាន់ ដោយមិនឲ្យអ្នកពិបាកអង្គុយគិតនាំតែឈឺក្បាលនោះទេ ។

ជាពិសេសគឺវាអាចដំណើរការបានជាភាសាខ្មែរ ហើយចុងបញ្ជប់នៃ App នេះវានឹងធ្វើរបាយការណ៍សរុបប្រាប់អ្នកពីបញ្ជី និងគម្រោងផ្សេងៗដែលអ្នកបានធ្វើ ។

ក្រៅពីនេះអ្នកអាចបង្កើតគណនីដូច Facebook ដែរ ហើយអ្នកក៏អាចរៀនវគ្គខ្លីៗទាក់ទងនឹងការគ្រប់គ្រង់គ្រួសារផងដែរ ។

Apple Appstore: https://apps.apple.com/kh/app/my-family-skillful-parenting/id1132495196

អត្ថបទដោយ៖ ខុន សក្ក័ដា

ចង់ទិញសូមទម្លាក់លេខទូរស័ព្ទក្នុងប្រអប់ខាងក្រោម

Sakada Khon

ស្រឡាញ់ ចូលចិត្តតាមដានបច្ចេកវិទ្យា ខ្ញុំនឹងព្យាយាមស្វែងរកគំនិតថ្មីៗរបស់អាជីវកម្មបង្កើតថ្មីដោះស្រាយបញ្ហាមនុស្ស មិនថានៅក្នុងស្រុក ឬក្រៅស្រុកមកចែកជូនអ្នកទាំងអស់គ្នា។ កុំស្ទាក់ស្ទើរនឹងបញ្ចេញយោបល់ និងរិះគន់ក្នុងន័យស្ថាបនា។